"Ang Batang Walang Alam"

Tayo nang magmasid
Tayo nang makinig
Ating panandaliang sulyapan
Kilatisin at tunghayan
Ang kwento ng batang walang alam

Ang batang walang alam
Di nya alam kung siya'y nasaan
Nasaan nga ba?
Nasaan ang batang walang alam?

Ang batang walang alam
Di nya alam ang kanyang pangalan
Ano nga ba ang pangalan?
Pangalan ng batang walang alam?

Ang batang walang alam
Di nya alam kung sino ang kanyang mga magulang
Sino nga ba ang mga magulang?
Mga magulang ng batang walang alam?

Ang batang walang alam
Di nya alam sumulat, di nya alam bumasa
Bakit nga kaya?
Sumulat at bumasa ay di nya alam?

Ang batang walang alam
Di nya alam kung may kinabukasan siya
May kinabukasan nga ba?
Ang batang walang alam?

Ang batang walang alam
Di nya alam kung ano ang kanyang nararamdaman
Hindi nga ba alam ng batang walang alam
Ang kanyang nararamdaman?

Ang batang walang alam
Ano ang gusto nyang sabihin?
Ano ang gusto nyang gawin?
Sino ang nakaaalam?
- posted by Marcus Aurelius @ 8:11 AM